لذیذ اور ذائقہ دار ٹارٹس ہر خاص و عام کو پسند ہوتے ہیں۔ آج ہم آپ کو فروٹ ٹارٹ بنانے کی ترکیب بتا رہے ہیں۔
اجزا
پیسٹری کے اجزا
میدہ چھنا ہوا: 225 گرام
مکھن: 112 گرام
پسی ہوئی چینی: 2 کھانے کے چمچ
ٹارٹ کو بھرنے کے اجزا
کریم پنیر: 225 گرام
چینی: 2 کھانے کے چمچ
لیموں کا رس: 2 چائے کے چمچ
ملے جلے تازہ پھل: 1 پیالی
باریک پسی ہوئی چینی: چھڑکنے کے لیے
ترکیب
میدے میں مکھن ڈال کر چورے جیسا بنا لیں۔
اس میں چینی اور ٹھنڈا پانی ملا کر آٹا گوندھیں اور ململ کے کپڑے میں لپیٹ کر 30 منٹ کے لیے فرج میں رکھ دیں۔
آٹے کو پتلا بیل کر گول کٹر سے کاٹ لیں۔
انہیں مفنز ٹرے میں رکھیں اور پہلے سے گرم اوون میں 190 ڈگری پر 15 منٹ تک پکا کر نکال لیں۔
ایک پیالے میں پنیر کو پھینٹ لیں، اس میں چینی اور لیموں کا رس شامل کر کے ٹارٹس پر ڈالیں۔
اس کے اوپر پھل سجائیں اور چینی چھڑک دیں۔
لذیذ فروٹ ٹارٹ تیار ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں
کوئی تبصرے نہیں:
ایک تبصرہ شائع کریں