عوامی مسلم لیگ کے سربراہ شیخ رشید نے کہا ہے کہ عابد شیر علی سمیت مسلم لیگ(ن) کو پتہ چلا گیا ہے کہ پانامہ میں کیا فیصلہ آنے والا ہے اس لئے عابد شیر علی نے کہا کہ نواز مائنس فارمولا کامیاب نہیں ہونے دیں گے سپریم کورٹ کے فیصلے سے پہلے نواز شریف ہمیشہ کی طرح اپنے سر پر کلہاڑی مارے گا ۔ عید کے بعد سڑکوں پر ہوں گے ۔
14 جون کو عمرے پر جا رہا ہوں ان خیالات کا اظہار شیخ رشید احمد نے نجی ٹی وی چینل سے گفتگو میں کیا انہوں نے کہا کہ تحریک انصاف کے چیئرمین عمران خان نے تیاری کر لی ہے کہ عید کے بعد سڑکوں پر آئیں گے اور خواہش ہے کہ تمام پارٹیاں بھی ہمارا ساتھ دیں ۔ مولانا فضل الرحمان کے علاوہ تمام سیاسی پارٹیوں سے رابطہ کروں گا ۔ شیخ رشید نے کہا کہ وہ 14 جون کو عمرے کی ادائیگی کے لئے سعودی عرب جا رہے ہیں اور دعا کریں گے کہ قوم کرپٹ سیاستدانوں سے آزاد ہو ۔
کوئی تبصرے نہیں:
ایک تبصرہ شائع کریں